ՀՀ դեսպան Վահագն Աֆյանը ելույթով հանդես է եկել Շրջակա միջավայրի ծրագրի հնդկաստանյան գրասենյակի (UNEP India) և Զարգացող երկրների հետազոտությունների և տեղեկատվական համակարգի (RIS) նախաձեռնությամբ կայացած միջոցառմանը

30 սեպտեմբերի, 2026

Սեպտեմբերի 30-ին Նյու Դելիի Հաբիթաթ կենտրոնում ՀՀ դեսպան Վահագն Աֆյանը ելույթով հանդես է եկել «Բնության և կլիմայի կապը․ Հնդկաստանի նախապատրաստական երկխոսությունը Կենսաբազմազանության մասին կոնվենցիայի Կողմերի 17-րդ համաժողովին (CBD COP17) և Կլիմայի փոփոխության մասին ՄԱԿ-ի շրջանակային կոնվենցիայի Կողմերի 31-րդ համաժողովին (UNFCCC COP31) ընդառաջ» խորագրով միջոցառմանը։

Շրջակա միջավայրի ծրագրի հնդկաստանյան գրասենյակի (UNEP India) և Զարգացող երկրների հետազոտությունների և տեղեկատվական համակարգի (RIS) նախաձեռնությամբ կայացած միջոցառմանը ՀՀ դեսպան Վ. Աֆյանը ներկայացրել է Հայաստանի՝ որպես Կենսաբազմազանության մասին կոնվենցիայի Կողմերի 17-րդ համաժողովի (COP17) հյուրընկալող երկրի և առաջիկա նախագահության հիմնական առաջնահերթությունները։

Ելույթի առանձին հատվածում դեսպանը կարևորել է Հայաստանի և Հնդկաստանի միջև բնապահպանական համագործակցության ընդլայնման հեռանկարները։ Որպես հնարավոր ուղղություններ՝ նշվել են էկոհամակարգերի վերականգնումը, ջրային ռեսուրսների կառավարումը, կլիմայի փոփոխության նկատմամբ դիմակայուն գյուղատնտեսությունը, վերականգնվող էներգետիկան, բնապահպանական կրթությունը և կարողությունների զարգացումը։ Ընդգծվել է նաև երկու երկրների գիտահետազոտական հաստատությունների, համալսարանների, քաղաքականություն մշակողների և փորձագետների միջև համագործակցության խորացման ներուժը։

Ամփոփելով խոսքը՝ դեսպանը վերահաստատել է Հայաստանի հանձնառությունը՝ բոլոր կողմերի և շահագրգիռ շրջանակների հետ սերտ համագործակցությամբ ապահովելու COP17-ի ներառական, թափանցիկ և արդյունավետ ընթացքը՝ նպատակ ունենալով անցում կատարել բնապահպանական հավակնություններից դեպի կոնկրետ գործողություններ և չափելի արդյունքներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր